竞彩足球:欧冠八强解签攻略

每年嚟到呢个时候,相信广友最关注嘅足球赛事依然系欧冠,不少人包括笔者认为,相比起决赛或者半决赛,八强往往系最吸引眼球嘅环节,因为欧冠本身嘅睇头就系不同联赛嘅顶级球队一决高下,而呢个阶段啱好最大化满足咗大家嘅胃口。随住上一场抽签结果出炉,不少观众发出咗不满意嘅声音,觉得不够刺激,究竟事实系咪咁呢?下列就由笔者发表一啲各组对决嘅愚见。

单从阵容嚟睇,拥有梅西嘅巴萨始终系最具竞争力嘅球队,阿根廷球王喺十六强两回合嘅个人show话畀人听自己年过而立依然屹立巅峰。睇翻晋级历程,其实都咪话巴萨签运好,小组赛就有尤文图斯相伴,十六强就同“老友”切尔西会面(两队分别系上赛季意甲同英超联赛冠军),而红蓝军团照样无风无浪杀入八强,尽显夺冠大热本色。正所谓时来运到,过咗两个难关,轮都轮到自己执翻啲笋嘢喇啩。我听到有不少声音系话“欧足联阴谋论保送巴萨入四强”,谂深一层,如果巴萨喺呢round同曼城、皇马或者拜仁相遇,巴萨拥趸会无怨言?

相比之下,从小组赛开始罗马就被定位成陪跑嘅角色,皆因佢哋当时分咗同马竞仲有切尔西一组,点知最尾头名出线,真系畀咗不少惊喜大家,十六强能够遇到实力偏弱嘅矿工都算系个天奖励翻佢哋。至于嚟到八强,相信除咗塞维利亚,罗马对住另外6队都系处于下风,所以真系不洗怨。要同巴萨死拼真系不实际,特别系面对咁高能力嘅传控打法,等一次反击都难转投天,想完成爆冷,不知要几高成功率先够。或者退一步谂,最终畀夺冠大热淘汰都系一种荣幸。

身为德甲球队喺欧冠淘汰赛嘅独苗,拜仁承载住祖国人民所有期望,而为咗平衡翻五大联赛喺欧冠嘅竞争力、保证足够绰头,大胆讲句,欧足联点会咁易畀佢哋死?既然小组赛体验过巴黎圣日尔曼嘅“金元攻势”,根据“人品守恒定律”(注:意思系人有三衰六旺,不会一直黑仔),十六强系咁咦分翻个贝西克塔斯畀佢哋囖,两回合8比1嘅比分已经讲明一切。仲未够?好事成双八强送多个塞维利亚你哋叹下。值得一提嘅系,自从2011年之后,此前6届欧冠杯拜仁净系旧年缺席咗四强,今年系时候传承翻“优良传统”喇。最重要系,功勋教练轩历基斯重执教鞭以嚟,球队同安切洛蒂麾下相比简直系判若两队,前者也喺最近刷新咗自己所创嘅欧冠主帅最长连胜纪录(十一连胜)。总体嚟讲,拜仁晋级前景一片明朗。

等咗六十年,塞维利亚本赛季终于实现咗球队咁多年嚟未跻身过欧洲顶级赛事嘅八强梦。面对住全队身价超过7亿欧元嘅曼联,塞维利亚被外界一致睇衰;正所谓“上咗场就不好怯,怯就输掉一世喇”,塞维利亚从伺机待发到最终完成致命连击,呢次华丽嘅逆袭不单只帮AC弃帅蒙迪拿“洗脱罪名”,仲为所有塞维利亚球员、拥趸带嚟无尽喜悦,绝对系载入史册嘅一役,同旧年淘汰自己嘅莱切斯特城真系有几分相似。一句到尾,塞维利亚嚟到八强算系完成任务喇,本次对手拜仁同曼联完全不同,无论球队体系、教练战术甚至近年欧冠成绩,德甲班霸都明显好过红魔,黑马本色极有可能就此告一段落。

皇马对尤文图斯?我哋无睇错,不系旧年欧冠决赛重播,只不过系提早见面。同前两组对决不同,佢哋再次聚首真系令人浮想联翩,但结果无非二选一,皇马继续压制尤文图斯or尤文图斯成功雪耻皇马。睇翻佢哋赛季至今嘅成绩,尤文图斯依然系意甲班霸,联赛重新翻到熟悉嘅领跑位置,欧冠晋级历程无风无浪,实力同上赛季相比无太大变动,甚至内在层面多咗一份沉稳。但皇马就今时不同往日囖,联赛争冠希望渺茫,国内杯赛无份争冠,唯一希望得翻欧冠。如果可以再度蝉联,三连冠呢个纪录预计未来好多年都难有球队打破。喺咁嘅前提下,虽然实力同状态睇起身都不及旧年,不过所有注意力集中喺一条战线嘅银河战舰似乎更加无懈可击。一切都要等到大家明刀明枪先见分晓。

不洗讲都知,主流联赛最具观赏性嘅必然系英超,虽然线支参加欧冠嘅球队全部杀晒入十六强,不过嚟到呢个阶段就系得翻两支,令人更加感到唏嘘嘅系,下一圈嘅四强得翻一支,同过去几年西甲频频有三队杀入四强嘅强盛真系无得比。点都好,曼城同利物浦总算系当今英超最具观赏性嘅球队。先讲蓝月亮,瓜迪奥拉喺度将自己嘅艺术发挥到极致,本赛季重金打造嘅后防线为冲锋陷阵嘅一众攻击手最大化保驾护航,高速率传控渗透令其进攻变得无坚不摧,令本赛季英超冠军归属变得毫无悬念。而喺主打高压迫抢反击嘅克洛普麾下,利物浦本赛季始终保持顶级竞争力,如果不系欠缺足够稳定性,佢哋肯定不止系争前四咁简单。回顾两队本赛季联赛双循环交手,大家都喺主场镑执一胜,实力可谓不分高低。但毕竟欧冠淘汰赛系180分钟嘅比赛,到底系更加稳定嘅曼城掌控大局,定系令人热血沸腾嘅红军笑到最后?等我哋拭目以待。

发表回复

您的电子邮箱地址不会被公开。 必填项已用 * 标注